SarekinDays

Sarekin sareak antolatzen duen ekitaldi honetan ekintzailetzari laguntzeko erakunde bizkaitarrak biltzen dira. Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak antolatu eta finantzatzen du, eta koordinatu, berriz, DEMA Enplegu eta Ekintzailetza Foru Agentziak.

Jarduera interesgarriak prestatu ditugu gaurkotasun handiko gaien inguruan, lagungarri izango zaizkizunak inspiratzeko, inguruko sare ekonomikoa hobeto ezagutzeko, ekintzailetza aukerak deskubritzeko eta, azken batean, erabakiak hartzeko, gaiak hobeto ezagutuz, arrakastari begira.

Formatu berrian gatoz aurten: erabat aurrez aurre izango diren bi egun, SAREA EGITEA, pertsonen arteko harremanak, kontaktu profesionalak eta sinergiak izanik ardatz

• Joerak eta aukerak ezagutuko ditugu, enpresa proiektu berriei hasiera emateko ez ezik, martxan dauden negozioei bultzada eta indar berria emateko ere.
• Hitza emango diegu profesionalki garatzeko ekintzailetzaren aldeko apustua egin duten hainbat kolektibori.
• Inspirazioa bilatuko dugu egitasmo ausart eta bereziei ekin dieten aparteko pertsonen lekukotasunetan, beren talentua eta sentsibilitatea gizartearen zerbitzura jarri dituzten pertsonen lekukotasunetan.
• Aukera izango duzu Bizkaian ekintzailetza laguntzeko sortu diren zerbitzu guztietara jotzeko, erosotasunez, web atari bakar batean bildu baitira.
• Zuzenean online konektatu eta kontsultatu ahal izango duzu Bizkaian ekintzailetza indartzeko lan egiten dugun erakundeetako profesionalekin (Sarekin sarea).
• SAREA EGITEKO networking onena eskaintzen dizugu. Zure egoera berean edo zurearen osagarri diren egoeretan dauden pertsonekin konektatuko duzu, partnerak aurkitzeko aukera izanik, elkarlanean aritzeko, proiektu berriak ezagutzeko eta abar.
• Ekintzaile izaten lagunduko dizuten profesionalekin harremanetan jarriko zara, eta Bizkaian lor ditzakezun laguntzei buruzko aholkuak emango dizkizute.   Ez galdu aukera!