Zertarako gida hau?
Ekintzailetza-agentea bazara...
...Eta tresna erraz bat behar duzu, erabilgarria (zure lan-prozesuan integratzen dena) eta lehendik dituzunak baino betebehar gehiago eragingo ez dizkizuna, ekintzailetzan Balantze Hirukoitzean pentsatzen laguntzeko.
Gida hau zuretzat da, agente gisa egiten duzun lana osatzen duelako.
Pertsona ekintzaileei laguntzeko zure eguneroko lanari Balantze Hirukoitzeko begirada bat gehitzen diolako.
Ekintzaileak jasangarritasunaren eta Balantze Hirukoitzaren inguruan sentsibilizatzen lagunduko dizuten zenbait galdera, informazio eta adibide aurkituko dituzu.
Zer da Balantze Hirukoitza?
Balantze Hirukoitza funtsezko kontzeptua da ekintzailetzan, eta Enpresen iraunkortasuna funtsezko hiru alderditatik neurtzean jartzen du arreta: balantze ekonomikoa, balantze soziala eta ingurumen-balantzea. Iparrorratz honek irabazi ekonomikoak sortzen dituzten negozioak ez ezik, gizartean eta zure ingurune hurbilean eragin positiboa sortzen duten negozioak diseinatzen eta abian jartzen ere laguntzen du. Balantze Hirukoitzak negozioei ematen dien oreka erresilientziaren sinonimoa da, eta horrek iraunkorrago bihurtzen ditu Balantze Hirukoitzeko negozioak.
Balantze ekonomikoa: Lehen zutabe hau zure ekintzailetzaren finantza-bideragarritasunari buruzkoa da. Zure negozioa errentagarria dela eta hazteko eta aurrera egiteko behar diren diru-sarrerak sortzen dituela ziurtatu behar duzu.
Balantze soziala: Bigarren zutabeari dagokionez, kontuan hartu behar da zure ekintzailetzak ekarpen positiboa egin diezaiokeela komunitateari eta, oro har, gizarteari. Gida honetan, lehen urrats horiek eraginkortasunez egiteko tresnak eskainiko dizkizugu.
Ingurumen-balantzea: Hirugarren zutabea zure ingurune hurbilenarekin lotuta dago. Zure negozioak ingurunean duen inpaktua nola minimizatu dezakeen, karbono-aztarna nola murriztu dezakeen eta baliabideak modu jasangarrian nola erabili ditzakeen hausnartzen laguntzea da proposamena.
Oinarrizko Gida honetan jorratuko dugun Balantze Hirukoitzaren ikuspegia azken urteetan Balantze Hirukoitzeko eta Jasangarritasuneko gaietan sortutako ezagutzan oinarritzen da, SANNAS Balantze Hirukoitza Enpresa Elkartearen eta haren Balantze Hirukoitza Hobetzeko Tresnaren bidez.
