Zertarako gida hau?
Pertsona ekintzailea bazara...
...Eta zure ekintzailetzan lehen urratsak ematen ari bazara, gida honen helburua edozein negozio jasangarria izan daitekeela ulertzen laguntzea da, eta zure negozioaren errentagarritasun ekonomikoari buruz hausnartzen ere lagunduko dizu, bai eta zure interestaldeei eskaintzen diezun gizarte- eta ingurumen-balioari buruz ere.
Azkenik, gida honek Balantze Hirukoitzaren itzulera modu argian ikusten lagunduko dizu, zurea bezalako enpresen adibideen eta jardunbide egokien bidez.
Zer da Balantze Hirukoitza?
Balantze Hirukoitza funtsezko kontzeptua da ekintzailetzan, eta Enpresen iraunkortasuna funtsezko hiru alderditatik neurtzean jartzen du arreta: balantze ekonomikoa, balantze soziala eta ingurumen-balantzea. Iparrorratz honek irabazi ekonomikoak sortzen dituzten negozioak ez ezik, gizartean eta zure ingurune hurbilean eragin positiboa sortzen duten negozioak diseinatzen eta abian jartzen ere laguntzen du. Balantze Hirukoitzak negozioei ematen dien oreka erresilientziaren sinonimoa da, eta horrek iraunkorrago bihurtzen ditu Balantze Hirukoitzeko negozioak.
Balantze ekonomikoa: Lehen zutabe hau zure ekintzailetzaren finantza-bideragarritasunari buruzkoa da. Zure negozioa errentagarria dela eta hazteko eta aurrera egiteko behar diren diru-sarrerak sortzen dituela ziurtatu behar duzu.
Balantze soziala: Bigarren zutabeari dagokionez, kontuan hartu behar da zure ekintzailetzak ekarpen positiboa egin diezaiokeela komunitateari eta, oro har, gizarteari. Gida honetan, lehen urrats horiek eraginkortasunez egiteko tresnak eskainiko dizkizugu.
Ingurumen-balantzea: Hirugarren zutabea zure ingurune hurbilenarekin lotuta dago. Zure negozioak ingurunean duen inpaktua nola minimizatu dezakeen, karbono-aztarna nola murriztu dezakeen eta baliabideak modu jasangarrian nola erabili ditzakeen hausnartzen laguntzea da proposamena.
Oinarrizko Gida honetan jorratuko dugun Balantze Hirukoitzaren ikuspegia azken urteetan Balantze Hirukoitzeko eta Jasangarritasuneko gaietan sortutako ezagutzan oinarritzen da, SANNAS Balantze Hirukoitza Enpresa Elkartearen eta haren Balantze Hirukoitza Hobetzeko Tresnaren bidez.
